മാർത്തോമ യൂത്ത് ഫെലോഷിപ്പ് സ്പോർട്സ് ടൂർണമെൻറ്: ഹ്യൂസ്റ്റൺ ഇമ്മാനുവൽ മാർത്തോമ ചർച്ച് ചാമ്പ്യന്മാർ
ഡാളസ്: നോർത്ത് അമേരിക്ക യൂറോപ്പ് ഭദ്രാസന യൂത്ത് ഫെലോഷിപ്പ് സൗത്ത് വെസ്റ്റ് “സെന്റർ എ” ആഭിമുഖ്യത്തിൽ നവംബർ 11ന് നടത്തപ്പെട്ട ഫ്ലാഗ് ഫുട്ബോൾ ടൂർണമെന്റിൽ ഹ്യൂസ്റ്റൺ ഇമ്മാനുവൽ മാർത്തോമ യൂത്ത് ഫെല്ലോഷിപ്പ് ചാമ്പ്യൻഷിപ്പ് കരസ്ഥമാക്കി. ഫൈനൽ മത്സരത്തിൽ മാർത്തോമാ ചർച്ച് ഓഫ് കരോൾട്ടൺ യൂത്ത് ഫെൽലോഷിപ്പിന് പരാജയപ്പെടുത്തിയാണ് ഇമ്മാനുവൽ മാർത്തോമ യൂത്ത് ഫെല്ലോഷിപ്പ് വിജയികളായത്.
Related Posts
കരോൾട്ടൺ പട്ടണത്തിലുള്ള സാൻഡിലേയ്ക്ക് പാർക്ക് ഫുട്ബോൾ മൈതാനത്തിൽ വച്ചായിരുന്നു കായികമത്സരങ്ങൾ നടത്തപ്പെട്ടത്. മാർത്തോമാ ചർച്ച് ഓഫ് കരോൾട്ടൻ ഇടവക വികാരി റവ.ഷിബി എബ്രഹാമിന്റെ പ്രാർത്ഥനയോടുകൂടി കായിക മത്സരങ്ങൾക്ക് ആരംഭം കുറിച്ചു. സെന്റർ എ പ്രസിഡൻറ്, റവ. ഷൈജു സി ജോയ്, വൈസ് പ്രസിഡൻറ്, എലിസാ ആൻഡ്രൂസ് എന്നിവർ പ്രാരംഭ ആരാധനയ്ക്ക് നേതൃത്വം നൽകി. ടൂർണമെൻറ് കോഡിനേറ്റർ സെൻ മാത്യു സ്വാഗത പ്രസംഗം നടത്തി.
