ഇന്ത്യൻ പാസ്പോർട്ട് സേവാ പോർട്ടൽ സെപ്റ്റംബർ 2 വരെ പ്രവർത്തനരഹിതമാകുമെന്ന് മുന്നറിയിപ്പ്

ഇന്ന് 2024 ഓഗസ്റ്റ് 29, വ്യാഴം ഇന്ത്യൻ സമയം 8 മണി മുതൽ മുതൽ സെപ്റ്റംബർ 2, തിങ്കൾ 6 മണി വരെ അറ്റകുറ്റപ്പണികൾക്കായി പാസ്പോർട്ട് സേവാ പോർട്ടൽ പ്രവർത്തനരഹിതമായിരിക്കുമെന്ന് പാസ്പോർട്ട് സേവാ അധികൃതർ അറിയിച്ചു.

ഇന്ത്യക്കാർക്കും എല്ലാ MEA/RPO/BOI/ISP/DoP/ അധികാരികൾക്കും ഈ കാലയളവിൽ പോർട്ടൽ ലഭ്യമാകില്ല. 2024 ഓഗസ്റ്റ് 30-ന് ഇതിനകം ബുക്ക് ചെയ്‌ അപ്പോയിന്റ് മെന്റുകൾ ഉചിതമായി പുനഃക്രമീകരിക്കുകയും അപേക്ഷകരെ അറിയിക്കുകയും ചെയ്യും. താൽകാലിക പാസ്‌പോർട്ടും പോലീസ് ക്ലിയറൻസ് സർട്ടിഫിക്കേറ്റും ഇതേ ദിവസങ്ങളിൽ ലഭിക്കില്ല. എന്നാൽ വിസ സേവനങ്ങൾ തടസ്സപ്പെടില്ല. നിലവിലുള്ള അപേക്ഷകർക്ക് പുതിയ തിയ്യതി മെസേജായി ലഭിക്കും.