പ്രത്യാശോത്സവത്തിന് ആത്മ നിറവോടുകൂടി ആരംഭം
സെലിബ്രേഷൻ ഓഫ് ഹോപ്പ് 2024 ആരംഭിച്ചു. നവംബർ 27 ബുധനാഴ്‌ച വൈകുന്നേരം 05 മണിക്ക് പാസ്റ്റർ ബിജു തമ്പിയുടെ അദ്ധ്യക്ഷതയിൽ പാസ്റ്റർ റ്റി എം കുരുവിളയുടെ പ്രാർത്ഥനയോടെ ആരംഭിച്ചു. ജനറൽ കൺവീനർ ബ്രദർ ജോയി താനവേലിൽ സ്വാഗത പ്രസംഗം നടത്തി. അമിത് കാംബ്ലെ സംഗീത ശുശ്രൂഷകൾക്ക് നേതൃത്വം നൽകി. രക്ഷാധികാരി റവ. ഡോ കെ സി ജോൺ ഉത്ഘാടനം നിർവ്വഹിച്ചു. പ്രതിപക്ഷ നേതാവ് ശ്രീ. വി ഡി സദീശൻ ആശംസയോടൊപ്പം തന്നെ തൻ്റെ ജീവിതത്തിൽ ആകർഷിക്കപ്പെട്ട ദൈവ വചന ഭാഗങ്ങൾ ഓർമ്മിപ്പിക്കുകയും ഡോ. ശമുവേൽ പേട്ട, ഡോ. യങ്ങ് ഹൂൻ ലീ എന്നിവർ ദൈവവചന സന്ദേശങ്ങൾ കൈമാറി. ക്വറിയൻ ഗായക സംഘത്തിൻ്റെ ഗാനാലാപനവും കൊണ്ട് യോഗം വളരെ അനുഗ്രഹത്തോടെ സമാപിച്ചു.
