ജമ്മു കാശ്മീരിൽ ഭീകരരും സുരക്ഷാസേനയും തമ്മിൽ ഏറ്റുമുട്ടൽ, ഭീകരർക്കായി തെരച്ചിൽ
ശ്രീനഗർ: ജമ്മു കാശ്മീരിലെ ശ്രീനഗർ ഹർവാനിൽ ഭീകരരും സുരക്ഷ സേനയും തമ്മിൽ ഏറ്റുമുട്ടൽ. മൂന്ന് ഭീകരർ ഒളിച്ചിരിക്കുന്നതായി വിവരം ലഭിച്ചതിനെ തുടർന്ന് നടത്തിയ പരിശോധനയ്ക്കിടെയാണ് ഭീകരർ സൈന്യത്തിന് നേരെ ആക്രമണം നടത്തിയത്. സൈന്യത്തിന്റെ പട്രോളിങ് സംഘത്തിന് നേരെ ഭീകരർ വെടിയുതിർക്കുകയായിരുന്നു. പ്രദേശം പൂർണമായി വളഞ്ഞിരിക്കുകയാണ് സൈന്യം. ശ്രീനഗർ നഗരത്തോട് ചേർന്ന മേഖലയാണ് ഹർവാൻ.
