ചൂരൽമലയിലെ ശ്രുതി ഇന്ന് സർക്കാർ ജോലിയിൽ പ്രവേശിക്കും

വയനാട്. ഉരുൾപൊട്ടലിൽ സർവതും നഷ്ടപ്പെട്ട ചൂരൽമലയിലെ ശ്രുതി ഇന്ന് സർക്കാർ ജോലിയിൽ പ്രവേശിക്കും. രാവിലെ പത്തു മണിയോടെ കലക്ടറേറ്റിൽ എത്തിയാണ് റവന്യു വകുപ്പിൽ ക്ലർക്കായി ചുമതലയേൽക്കുക. ദുരന്തത്തിനു പിന്നാലെ ശ്രുതിക്ക് സർക്കാർ ജോലി നൽകുമെന്ന് മുഖ്യമന്ത്രിയും റവന്യു മന്ത്രി കെ രാജനും പ്രഖ്യാപിച്ചിരുന്നു. കഴിഞ്ഞ മാസമാണ് റവന്യു വകുപ്പിൽ നിയമനം നൽകിയുള്ള സർക്കാർ ഉത്തരവ് പുറത്തിറങ്ങിയത്. ജോലിയിൽ പ്രവേശിക്കുന്ന ശ്രുതിയെ എം.എൽ.എ ടി.സിദീഖ് ഇന്നലെ വീട്ടിലെത്തി അഭിനന്ദിച്ചിരുന്നു.