കഴിഞ്ഞവർഷം ക്രിസ്ത്യാനികൾക്കെതിരെ ഇന്ത്യയിൽ നടന്നത് 834 ആക്രമണങ്ങൾ

ഇന്ത്യയിൽ ക്രിസ്ത്യൻ വിരുദ്ധ അക്രമങ്ങൾ വർധിക്കുന്നതിനെക്കുറിച്ച് വീണ്ടും മുന്നറിയിപ്പ് നൽകി ഇന്ത്യൻ സിവിൽ സൊസൈറ്റി ഗ്രൂപ്പുകൾ. യുണൈറ്റഡ് ക്രിസ്ത്യൻ ഫോറം (യു. സി. എഫ്. ) പുറത്തുവിട്ട പുതിയ കണക്കുകൾ പ്രകാരം, 2024ൽ ക്രിസ്ത്യാനികൾക്കെതിരെ ഇത്തരം 834 ആക്രമണങ്ങൾ ഉണ്ടായിട്ടുണ്ട്. മുൻവർഷത്തേക്കാൾ നൂറിലധികം ആക്രമണങ്ങളാണ് ഉണ്ടായത്. “ഇന്ത്യയിൽ ഓരോ ദിവസവും രണ്ടിലധികം ക്രിസ്ത്യാനികളെ ആക്രമണത്തിന് ലക്ഷ്യമിടുന്നു എന്ന് യു. സി. എഫ്. പത്രക്കുറിപ്പിൽ പറയുന്നു.

ശ്രീലങ്കയിലും സമാനമായ ന്യുനപക്ഷ ആക്രമണങ്ങൾ ഉണ്ടായിട്ടുണ്ട്. ഇസ്ലാമിനെ അപമാനിക്കുകയും രാജ്യത്ത് മതവിദ്വേഷം വളർത്തുകയും ചെയ്തതിന് ശ്രീലങ്കൻ കോടതി ഒരു പ്രമുഖ ബുദ്ധസന്യാസിയെ രണ്ടാം തവണയും ജയിലിലടച്ചു. 2016-ലെ മുസ്‌ലിം വിരുദ്ധ പരാമർശങ്ങളുടെ പേരിൽ ഗലാഗോദാത്തെ ജ്ഞാനസാരയെ വ്യാഴാഴ്ച ഒമ്പത് മാസത്തെ തടവിന് ശിക്ഷിച്ചു. 22 ദശലക്ഷത്തിൽ 10 ശതമാനത്തിലധികം വരുന്ന ശ്രീലങ്കയിലെ മുസ്‌ലിം ന്യൂനപക്ഷത്തെ അപകീർത്തിപ്പെടുത്തിയതിന് സമാനമായ കുറ്റത്തിന് കഴിഞ്ഞവർഷം അദ്ദേഹത്തെ ജയിലിലടച്ചിരുന്നു.

റഷ്യൻ ഫെഡറൽ സർവീസ് ഓഫ് ബെയ്ലിഫ്സ് എഫ്. എസ്സ്. എസ്‌പി. യുടെ കണക്കനുസരിച്ച്, 2024-ൽ 80,000 ത്തിലധികം കുടിയേറ്റക്കാരെ റഷ്യയിൽ നിന്ന് പുറത്താക്കി. ഇത് മുൻ വർഷത്തേക്കാൾ ഇരട്ടിയാണ്. നിലവിൽ റഷ്യയിൽ മറ്റ് രാജ്യങ്ങളിൽ നിന്നുള്ള ആറു ദശലക്ഷത്തിലധികം ആളുകൾ ഉണ്ട്.