അർക്കൻസാസിനെ വിഴുങ്ങി ചുഴലിക്കാറ്റ്; മരങ്ങൾ പിഴുതെറിയുന്നു, വീടുകളും വൈദ്യുതി ലൈനുകളും തകർക്കുന്നു.

ഇല്ലിനോയിസ്, മിസോറി, മിസിസിപ്പി എന്നിവിടങ്ങളിൽ വിനാശകരമായ അർക്കൻസാസ് ചുഴലിക്കാറ്റ് നാശം വിതച്ചു(Tornado engulfs Arkansas). വീടുകളും വൈദ്യുതി ലൈനുകളും മരങ്ങളും വിഴുങ്ങുന്ന വലിയ കൊടുങ്കാറ്റിന്റെ വീഡിയോ സോഷ്യൽ മീഡിയയിൽ ഇതിനോടകം വൈറലായിരിക്കുകയാണ്.

ലേക്ക് സിറ്റിക്കും മോനെറ്റിനും സമീപം വീശിയടിക്കുന്ന ശക്തവും ഭീമാകാരവുമായ ചുഴലി കാറ്റ് കാരണം ബ്ലൈത്ത്‌വില്ലെ, ട്രൂമാൻ, മനില, ഗോസ്നെൽ എന്നിവിടങ്ങളിൽ ‘ടൊർണാഡോ അടിയന്തരാവസ്ഥ’ പ്രഖ്യാപിച്ചു. നാഷണൽ വെതർ സർവീസിന്റെ (NWS) ടൊർണാഡോ അലേർട്ട് അനുസരിച്ച്, ഒരു ഉറപ്പുള്ള കെട്ടിടത്തിന്റെ താഴത്തെ നിലയിലുള്ള ഒരു ബേസ്മെന്റിലോ ഇന്റീരിയർ മുറിയിലോ അഭയം തേടാൻ താമസക്കാർക്ക് നിർദ്ദേശം നൽകിയിരിക്കുകയാണ്.