ലോകാത്ഭുതമായ താജ് മഹലിന് ചോര്ച്ച ; പ്രധാന താഴികക്കുടത്തില് വിള്ളല് കണ്ടെത്തി
ലഖ്നൗ: ലോകാത്ഭുതങ്ങളില് ഒന്നായ താജ് മഹലിന് ചോര്ച്ച. ആര്ക്കിയോളജിക്കല് സര്വേ ഓഫ് ഇന്ത്യ (എഎസ്ഐ) നടത്തിയ തെര്മല് സ്കാനിങില് ആണ് താജ് മഹലിന്റെ താഴികക്കുടത്തില് ചോര്ച്ച കണ്ടെത്തിയത്. 73 മീറ്റര് ഉയരത്തില് ആണ് വിള്ളല് കണ്ടെത്തിയത്. ചോര്ച്ച പരിഹരിക്കാനുള്ള നടപടികള് ഉടന് ആരംഭിച്ചതായി ആര്ക്കിയോളജിക്കല് സര്വേ ഓഫ് ഇന്ത്യ അറിയിച്ചു. ആറുമാസമെങ്കിലും വേണ്ടിവരും പണി പൂര്ത്തിയാകാന് എന്നാണ് നിഗമനം. നിലവില് താഴികക്കുടത്തിന് ബലക്ഷയം സംഭവിക്കാതിരിക്കാന് വേണ്ട മുന്കരുതലുകള് സ്വീകരിച്ചിട്ടുണ്ടെന്നും എഎസ്ഐ അറിയിച്ചു. താജ് മഹലിന്റെ പ്രധാന താഴികക്കുടത്തിലെ കല്ലുകളെ യോജിപ്പിക്കുന്ന കുമ്മായം നഷ്ടപ്പെട്ടതാണ് ചോര്ച്ചയ്ക്ക് കാരണമെന്നാണ് പ്രാധമിക നിഗമനം.
Related Posts
