സംസ്ഥാന പദവി ആവശ്യപ്പെട്ട് ലഡാക്കില് നടക്കുന്ന പ്രതിഷേധം അക്രമാസക്തമായി
ശ്രീനഗര്: സംസ്ഥാന പദവി ആവശ്യപ്പെട്ട് ലഡാക്കില് നടക്കുന്ന പ്രതിഷേധം അക്രമാസക്തമായി. സംഘര്ഷത്തില് നാല് പേര് കൊല്ലപ്പെട്ടതായാണ് റിപ്പോര്ട്ടുകള്. 70 പേര്ക്ക് പരിക്കേറ്റതായും ദേശീയ മാധ്യമങ്ങൾ റിപ്പോർട്ട് ചെയ്യുന്നു. സംഘർഷം രൂക്ഷമായതോടെ ലേ ജില്ലയിൽ നിരോധനാജ്ഞ പ്രഖ്യാപിച്ചു. അഞ്ചോ അതിലധികമോ ആളുകൾ ഒത്തുകൂടുന്നതും വിലക്കിയിട്ടുണ്ട്.
Related Posts
ലേയില് നടന്ന പ്രകടനത്തിനിടെ ഒരു വിഭാഗം യുവാക്കള് പൊലീസിന് നേരെ കല്ലെറിയുകയും ബിജെപി ഓഫീസിന് തീയിടുകയും ചെയ്തതോടെ സ്ഥിതിഗതികള് വഷളാകുകയായിരുന്നു. പൊലീസും അര്ധ സൈനിക വിഭാഗവും സമരക്കാര്ക്ക് നേരെ കണ്ണീര് വാതകം പ്രയോഗിക്കുകയും ലാത്തി വീശുകയും ചെയ്തു. പ്രതിഷേധക്കാര് ബിജെപി ഓഫിസിന് തീയിട്ടു
