പിഎഫ് അക്കൗണ്ടില് നിന്ന് പണം പിന്വലിക്കുന്നതുമായി ബന്ധപ്പെട്ട് നിര്ണായക തീരുമാനവുമായി ഇപിഎഫ്ഒ
ന്യൂഡല്ഹി: പിഎഫ് അക്കൗണ്ടില് നിന്ന് പണം പിന്വലിക്കുന്നതുമായി ബന്ധപ്പെട്ട് നിര്ണായക തീരുമാനവുമായി ഇപിഎഫ്ഒ. ജീവനക്കാരുടെയും തൊഴിലുടമയുടെയും വിഹിതം ഉള്പ്പെടെ പിഎഫ് അക്കൗണ്ടില് അര്ഹമായ മുഴുവന് തുകയും പിന്വലിക്കാന് അനുവദിച്ചിരിക്കുകയാണ് ഇപിഎഫ്ഒ. ഇന്നലെ ന്യൂഡല്ഹിയില് നടന്ന സെന്ട്രല് ബോര്ഡ് ഓഫ് ട്രസ്റ്റീസിന്റെ (സിബിടി) 238-ാമത് യോഗത്തിലാണ് തീരുമാനം.
കേന്ദ്ര തൊഴില് മന്ത്രി മന്സുഖ് മാണ്ഡവ്യയുടെ അധ്യക്ഷതയില് ചേര്ന്ന യോഗത്തിലാണ് തീരുമാനം. നേരത്തെ തൊഴിലില്ലായ്മയോ വിരമിക്കലോ ഉണ്ടായാല് മാത്രമേ പൂര്ണമായ പിന്വലിക്കല് അനുവദിച്ചിരുന്നുള്ളൂ. അംഗത്തിന് ഒരു മാസം ജോലിയില്ലാതെ കഴിയേണ്ടി വന്നാല് പിഎഫ് ബാലന്സിന്റെ 75 ശതമാനവും രണ്ട് മാസത്തിന് ശേഷം ബാക്കി 25 ശതമാനവും പിന്വലിക്കാന് അനുവാദമുണ്ടായിരുന്നു. എന്നിരുന്നാലും വിരമിക്കുമ്പോള് പൂര്ണ തുക പരിധിയില്ലാതെ പിന്വലിക്കാന് അനുവദിച്ചിരുന്നു
