തെരഞ്ഞെടുപ്പ് മുന്നില് കണ്ട് വമ്പന് പ്രഖ്യാപനങ്ങളുമായി സംസ്ഥാന സര്ക്കാര്.
തിരുവനന്തപുരം: തെരഞ്ഞെടുപ്പ് മുന്നില് കണ്ട് വമ്പന് പ്രഖ്യാപനങ്ങളുമായി സംസ്ഥാന സര്ക്കാര്. ക്ഷേമ പെന്ഷനും ആശമാരുടെ അലവന്സും കൂട്ടാനും സര്ക്കാര് ജീവനക്കാരുടെ ഡിഎ കുടിശ്ശികയില് ഒരു ഗഡും അനുവദിക്കാനും തീരുമാനിച്ചതായി മുഖ്യമന്ത്രി വാര്ത്താസമ്മേളനത്തില് അറിയിച്ചു. മന്ത്രിസഭാ യോഗത്തിന് ശേഷമായിരുന്നു ബജറ്റ് അവതരണത്തിന് സമാനമായ ജനക്ഷേമ പ്രഖ്യാപനങ്ങള്. ക്ഷേമ പെന്ഷന് 400 രൂപ കൂട്ടുന്നതോടെ 1600 ല് നിന്നും 2000 രൂപയായി വര്ധിപ്പിച്ചു. ഇതിനായി 13,000 കോടി നീക്കിവെക്കും.
സ്ത്രീ സുരക്ഷയ്ക്ക് പുതിയ പദ്ധതി നടപ്പാക്കുമെന്നും പിണറായി വിജയന് വാര്ത്താസമ്മേളനത്തില് പ്രഖ്യാപിച്ചു. ഒരുലക്ഷത്തില് താഴെ വരുമാനമുള്ള സാമ്പത്തികമായി പിന്നാക്കം നില്ക്കുന്ന യുവാക്കള്ക്ക് പ്രതിമാസം ആയിരം രൂപ സ്കോളര്ഷിപ്പ് അനുവദിക്കുമെന്നും മുഖ്യമന്ത്രി പറഞ്ഞു. സ്ത്രീസുരക്ഷയ്ക്ക് പുതിയ പദ്ധതി ആരംഭിക്കും. ട്രാൻസ് സ്ത്രീകൾ അടക്കം പാവപ്പെട്ട സ്ത്രീകൾക്ക് പുതിയ പദ്ധതി വഴി പ്രതിമാസം സഹായം ലഭിക്കും. നിലവിൽ ഏതെങ്കിലും സഹായം കിട്ടാത്ത സ്ത്രീകൾക്ക് പ്രതിമാസം 1000 രൂപ സ്ത്രീ സുരക്ഷ പെൻഷൻ നല്കാനാണ് ഇന്ന് ചേര്ന്ന് മന്ത്രിസഭായോഗം തീരുമാനിച്ചിരിക്കുന്നത്
