ഡൽഹി വിമാനത്താവളത്തിലെ സാങ്കേതിക തകരാർ പരിഹരിച്ചു: വൈകിയത് 800ലധികം വിമാനങ്ങൾ

ന്യ‍ൂഡൽഹി: ഡൽഹി ഇന്ദിരാ ഗാന്ധി അന്താരാഷ്‌ട്ര വിമാനത്താവളത്തിലെ സാങ്കേതിക തകരാർ പരിഹരിച്ചു. വിമാനത്താവളത്തിലെ പ്രവർത്തനങ്ങൾ സാധാരണ നിലയിലേക്ക് മടങ്ങുകയാണെന്ന് അധികൃതർ അറിയിച്ചു.

സാങ്കതിക തകരാർ മൂലം വിമാനത്താവളത്തിലേക്ക്‌ എത്തേണ്ടതും പുറപ്പെടേണ്ടതുമായ നിരവധി വിമാനങ്ങളാണ് ഇന്നലെ വൈകിയത്. വെള്ളിയാഴ്‌ച വൈകുന്നേരം വരെ 800ലധികം വിമാനങ്ങൾ വൈകിയെന്നാണ് റിപ്പോർട്ട്. ഓട്ടോമേറ്റിക്‌ മെസേജ്‌ സ്വിച്ചിങ്‌ സിസ്റ്റത്തിനുണ്ടായ(എഎംഎസ്‌എസ്‌) സാങ്കേതിക തകരാറാണ്‌ വിമാനങ്ങൾ വൈകിയതിന്‌ കാരണം.