ടിക്കറ്റ് നിരക്കിൽ വമ്പൻ ഇളവുകൾ പ്രഖ്യാപിച്ച് ഇൻഡിഗോ
ഉപഭോക്താക്കൾക്ക് മികച്ച യാത്രാനുഭവം സമ്മാനിക്കുക എന്ന ലക്ഷ്യത്തോടെ ടിക്കറ്റ് നിരക്കിൽ വമ്പൻ ഇളവുകൾ പ്രഖ്യാപിച്ച് ഇന്ത്യയുടെ മുൻനിര വിമാനക്കമ്പനിയായ ഇൻഡിഗോ. ‘സെയിൽ ഇൻ ടു 2026’ എന്ന പേരിൽ അവതരിപ്പിച്ച ന്യൂ ഇയർ സെയിലിൽ, 1,499 രൂപ മുതൽ ആഭ്യന്തര യാത്രകളും 4,499 രൂപ മുതൽ രാജ്യാന്തര യാത്രകളും നടത്താം. മറ്റു സേവനങ്ങൾക്കും ആകർഷകമായ ഇളവുണ്ട്. ജനുവരി 13 മുതൽ 16 വരെയാണ് സെയിൽ. ജനുവരി 20 മുതൽ ഏപ്രിൽ 30 വരെയുള്ള യാത്രകൾക്ക് ഈ ഓഫർ ഉപയോഗപ്പെടുത്താം. യാത്രാ തീയതിക്ക് ഏഴു ദിവസം മുൻപു വരെ ബുക്ക് ചെയ്താലേ ഇളവ് ലഭിക്കൂ. എല്ലാ ബുക്കിങ് ചാനലുകളിലൂടെയും ഈ ഓഫർ പ്രയോജനപ്പെടുത്താം.
