ശൈത്യം തുടരുന്നു: നോർത്ത് ടെക്സസിൽ ബുധനാഴ്ചയും സ്കൂളുകൾക്ക് അവധി

ഡാളസ്/ഫോർട്ട് വർത്ത്: അതിശൈത്യത്തെത്തുടർന്ന് നോർത്ത് ടെക്സസിലെ സ്കൂളുകൾ ബുധനാഴ്ചയും അവധി പ്രഖ്യാപിച്ചു. ഇന്ന് ഉച്ചയോടെ മഞ്ഞ് ഉരുകാൻ തുടങ്ങുമെങ്കിലും, രാത്രിയിൽ താപനില വീണ്ടും താഴുന്നതോടെ റോഡുകളിൽ വെള്ളം ഉറഞ്ഞുകൂടി ‘ബ്ലാക്ക് ഐസ്’ രൂപപ്പെടാൻ സാധ്യതയുണ്ടെന്ന് കാലാവസ്ഥാ നിരീക്ഷകർ മുന്നറിയിപ്പ് നൽകി.

പ്രധാന റോഡുകളിലെ മഞ്ഞ് നീക്കം ചെയ്തിട്ടുണ്ടെങ്കിലും, പാർക്കിംഗ് ലോട്ടുകളിലും ഇടറോഡുകളിലും ഐസ് നിറഞ്ഞുകിടക്കുന്നത് യാത്ര അപകടകരമാക്കുന്നു.

ഇന്ന് ഉച്ചയ്ക്ക് ശേഷം താപനില 32 ഡിഗ്രിക്ക് മുകളിൽ എത്തുമെങ്കിലും രാത്രിയോടെ വീണ്ടും തണുപ്പ് കടുക്കും. ഇത് ഉരുകിയ മഞ്ഞ് വീണ്ടും ഉറയ്ക്കാൻ (Refreeze) കാരണമാകും.