ഇറാനില് നിന്ന് ഇതുവരെ നേരിട്ടത് രണ്ടായിരത്തോളം ആക്രമണങ്ങള്; കൊല്ലപ്പെട്ടവരുടെ പേരുകള് പുറത്തു വിട്ട് യുഎഇ
ദുബായ്: പശ്ചിമേഷ്യയിലെ സംഘര്ഷങ്ങള്ക്കിടെ യുഎഇക്ക് നേരെയുണ്ടായ ഇറാന്റെ ആക്രമണങ്ങളില് മരണമടഞ്ഞ പ്രവാസികളായ ആറ് പേരുടെ പേരു വിവരങ്ങള് അധികൃതര് പുറത്തു വിട്ടു. ഇതുവരെ എട്ട് പേരാണ് യുഎഇയില് ആക്രമണങ്ങളില് കൊല്ലപ്പെട്ടിട്ടുള്ളത്.
ഇതില് പ്രവാസികളായവരുടെ വിവരങ്ങളാണ് യുഎഇ പങ്കുവച്ചത്. പാലസ്തീന് സ്വദേശി അലാഅ നാദര് അവ്നി, പാകിസ്ഥാന് സ്വദേശികളായ മുരീബ് സമാന് നിസാര്, മുസഫര് അലി ഗുലാം, ഇസ്മായീല് സലിം ഖാന് എന്നിവര്ക്ക് പുറമെ ബംഗ്ലാദേശ് സ്വദേശി അഹമ്മദ് അലി, നേപ്പാള് സ്വദേശി ദിബാസ് ശ്രേഷ്ഠ എന്നിവരാണ് മരിച്ചത്.
കൊല്ലപ്പെട്ടവരുടെ കുടുംബങ്ങളെ യുഎഇ വിദേശകാര്യമന്ത്രി ഷെയ്ഖ് അബ്ദുല്ല ബിന് സായിദ് അല് നഹ്യാന് അനുശോചനം അറിയിച്ചു. മരിച്ചവരുടെ മൃതദേഹങ്ങള് നാട്ടിലെത്തിക്കാനുള്ള നടപടികള് അതാത് എംബസികളുമായി ചേര്ന്ന് പുരോഗമിക്കുകയാണെന്ന് അധികൃതര് അറിയിച്ചു
