ജോർദാനിലെ അമേരിക്കൻ സൈനിക താവളത്തിന് നേരെ ഇറാൻ ശക്തമായ മിസൈൽ, ഡ്രോൺ ആക്രമണങ്ങൾ നടത്തി

ജോർദാനിലെ അമേരിക്കൻ സൈനിക താവളത്തിന് നേരെ ഇറാൻ ശക്തമായ മിസൈൽ, ഡ്രോൺ ആക്രമണങ്ങൾ നടത്തി. മേഖലയിലെ സംഘർഷം പുതിയ തലത്തിലേക്ക് ഉയരുന്നതിന്റെ സൂചനയാണിത്. മുവാഫഖ് സാൽതി എയർ ബേസ് ലക്ഷ്യമിട്ടാണ് ഇറാൻ ആക്രമണം നടത്തിയത്.

അമേരിക്കയുടെ റഡാർ സംവിധാനങ്ങളും വാർത്താവിനിമയ ഉപകരണങ്ങളും തകർക്കുക എന്നതായിരുന്നു ഇറാന്റെ ലക്ഷ്യമെന്ന് പ്രതിരോധ വിദഗ്ധർ വിലയിരുത്തുന്നു. ആക്രമണത്തിൽ അമേരിക്കയുടെ മിസൈൽ പ്രതിരോധ സംവിധാനമായ താഡിന് നാശനഷ്ടങ്ങൾ സംഭവിച്ചതായാണ് റിപ്പോർട്ടുകൾ. പശ്ചിമേഷ്യയിലെ അമേരിക്കൻ സൈനിക സാന്നിധ്യത്തിന് ഇത് വലിയ വെല്ലുവിളിയാണ്.