സെന്‍റ് മേരീസ് കത്തീഡ്രലില്‍ ബൈബിള്‍ ക്ലാസ് ആരംഭിച്ചു
മനാമ: സെന്‍റ് മേരീസ് ഇന്ത്യന്‍ ഓര്‍ത്തഡോക്സ് കത്തീഡ്രലില്‍ മധ്യവേനലവധിക്കാലത്ത് നടത്തുന്ന ബൈബിള്‍ ക്ലാസുകള്‍ (ഒ.വി.ബി.എസ്) ആരംഭിച്ചു. ഇടവക വികാരി ഫാ. ബിജു ഫിലിപ്പോസ് കാട്ടുമറ്റത്തിലിെന്‍റ അധ്യക്ഷതയില്‍ നടന്ന ഉദ്ഘാടനസമ്മേളനത്തില്‍ മലങ്കര ഓര്‍ത്തഡോക്സ് സഭ ബോംബെ ഭദ്രാസനാധിപന്‍ ഗീവര്‍ഗീസ് മാര്‍ കൂറിലോസ് മെത്രാപ്പോലീത്ത മുഖ്യാതിഥിയായി.
ഒ.വി.ബി.എസ് ഡയറക്ടര്‍ ഫാ. ജോര്‍ജ് ജോണ്‍, കത്തീഡ്രല്‍ ട്രസ്റ്റി സി.കെ. തോമസ്, സെക്രട്ടറി ജോര്‍ജ് വര്‍ഗീസ്, ഒ.വി.ബി.ബി.എസ് സെക്രട്ടറി ബിനു എം.ഈപ്പന്‍ എന്നിവര്‍ സംസാരിച്ചു.സെന്‍റ് മേരീസ് സണ്‍ഡേ സ്കൂള്‍ ഹെഡ്മാസ്റ്റര്‍ ഡാനിയേല്‍ കെ.ജി. സ്വാഗതവും സൂപ്രണ്ട് എ.പി. മാത്യു നന്ദിയും പറഞ്ഞു.
