TOP NEWS| ഫാ. സ്റ്റാന്‍ സ്വാമിക്കു കണ്ണീരോടെ വിട: മൃതസംസ്കാര ശുശ്രൂഷയില്‍ ഓണ്‍ലൈനായി പങ്കെടുത്തത് ലക്ഷങ്ങള്‍
ഫാ. സ്റ്റാന്‍ സ്വാമിക്കു കണ്ണീരോടെ വിട: മൃതസംസ്കാര ശുശ്രൂഷയില്‍ ഓണ്‍ലൈനായി പങ്കെടുത്തത് ലക്ഷങ്ങള്‍
മുംബൈ: പാവങ്ങള്‍ക്കും അടിച്ചമര്‍ത്തപ്പെട്ടവരുടെ അവകാശങ്ങള്‍ക്കുവേണ്ടി ജീവിതം സമര്‍പ്പിച്ച ഈശോസഭാ വൈദികന്‍ ഫാ. സ്റ്റാന്‍ സ്വാമിക്കു കണ്ണീരോടെ വിട. ഇന്നലെ ഉച്ചകഴിഞ്ഞ് മുംബൈ ബാന്ദ്ര സെന്റ് പീറ്റേഴ്‌സ് പള്ളിയിലാണു മൃതസംസ്‌കാരശുശ്രൂഷ നടന്നത്. ഫാ. സ്റ്റാന്‍ സ്വാമിയുടെ സഹപ്രവര്‍ത്തകരായ ഫാ. ജോ സേവ്യര്‍, ഫാ. ഫ്രേസര്‍ മസ്‌കരിനാസ് എന്നിവര്‍ ഉള്‍പ്പെടെ അഞ്ചു വൈദികര്‍, ഹോളി ഫാമിലി ആശുപത്രി അഡ്മിനിസ്‌ട്രേറ്റര്‍, ചെറു ഗായകസംഘം എന്നിവരായിരുന്നു സംസ്‌കാരശുശ്രൂഷയില്‍ പങ്കെടുത്തത്. പ്രവാചകശബ്ദം ഉള്‍പ്പെടെ നിരവധി യൂട്യൂബ് ചാനലുകളില്‍ ചടങ്ങുകളുടെ തത്സമയ സംപ്രേക്ഷണം ലഭ്യമാക്കിയിരിന്നു. വിവിധ ചാനലുകളില്‍ നിന്നായി ഫാ. സ്റ്റാന്‍ സ്വാമിയുടെ കുടുംബാംഗങ്ങള്‍, വൈദികര്‍, അഭിഭാഷകര്‍, മനുഷ്യാകാശ പ്രവര്‍ത്തകര്‍ സാധാരണക്കാര്‍ തുടങ്ങീ ലക്ഷകണക്കിന് ആളുകളാണ് ചടങ്ങുകളില്‍ തത്സമയം പങ്കുചേര്‍ന്നത്.
