വിദേശത്ത് പോകാന് കോവിഷീല്ഡ്കൂടി ആവശ്യപ്പെടുന്നത് ഗൗരവതരം -ഹൈകോടതി
കൊച്ചി: കോവാക്സിന് അംഗീകാരമില്ലാത്തതിനാല് സൗദിയിലേക്ക് പോകാനാവാത്ത സാഹചര്യത്തില് മൂന്നാം ഡോസായി കോവിഷീല്ഡ് വാക്സിന് നല്കണമെന്ന ആവശ്യം ഗൗരവമുള്ളതെന്ന് ഹൈകോടതി. ഇക്കാര്യത്തില് കേന്ദ്ര-സംസ്ഥാന സര്ക്കാറുകള് വിശദീകരണം നല്കണമെന്നും സിംഗിള് ബെഞ്ച് ഉത്തരവിട്ടു. ഈ മാസം 30ന് മടങ്ങാനിരിക്കെയാണ് സൗദിയില് കോവാക്സിന് അംഗീകാരമില്ലെന്ന് അറിഞ്ഞതെന്നും കോവിഷീല്ഡ് ഒരു ഡോസ്കൂടി നല്കാന് ഉത്തരവിടണമെന്നുമാവശ്യപ്പെട്ട് പ്രവാസി കണ്ണൂര് ശ്രീകണ്ഠാപുരം സ്വദേശി ഗിരികുമാര് നല്കിയ ഹരജിയിലാണ് ജസ്റ്റിസ് പി.ബി. സുരേഷ് കുമാറിെന്റ നിര്ദേശം.
കോവിഡ് രണ്ടാം തരംഗത്തിെന്റ തുടക്കത്തില് നാട്ടിലെത്തിയ ഹരജിക്കാരന് കോവാക്സിന് രണ്ട് ഡോസും എടുത്തിരുന്നു. അംഗീകാരമില്ലെന്ന് അറിഞ്ഞിരുന്നെങ്കില് എടുക്കുമായിരുന്നില്ലെന്നും ഇപ്പോള് സ്വന്തം ഉത്തരവാദിത്തത്തില് കോവിഷീല്ഡ് എടുക്കാന് തയാറാണെന്നും ഹരജിക്കാരന് കോടതിയെ അറിയിച്ചു.