നിപ നിയന്ത്രണത്തില്‍; മെഡി.കോളജിലെ സൗകര്യങ്ങള്‍ മന്ത്രി വിലയിരുത്തി
കോഴിക്കോട്: ആരോഗ്യമന്ത്രി വീണ ജോര്‍ജ് കോഴിക്കോട് മെഡിക്കല്‍ കോളജ് ആശുപത്രി സന്ദര്‍ശിച്ച്‌ നിപ ചികിത്സക്കായുള്ള സംവിധാനങ്ങള്‍ വിലയിരുത്തി. നിപ രോഗികളുടെ പരിചരണവും ചികിത്സയും സംബന്ധിച്ച്‌ സംസ്ഥാന മെഡിക്കല്‍ ബോര്‍ഡിന് റിപ്പോര്‍ട്ട് നല്‍കാന്‍ നിര്‍ദേശം നല്‍കി. നിപയോടൊപ്പം തന്നെ കോവിഡും കോവിഡ് ഇതര രോഗപ്രതിരോധ പ്രവര്‍ത്തനവും ഒരുപോലെ മുന്നോട്ടുകൊണ്ടുപോകേണ്ടതാണ്. ആരോഗ്യപ്രവര്‍ത്തകര്‍ക്ക് രോഗം വരാതിരിക്കാന്‍ വേണ്ടത്ര സുരക്ഷാമുന്നൊരുക്കങ്ങള്‍ നടത്തണം. ജീവനക്കാര്‍ക്ക് വിദഗ്ധ പരിശീലനങ്ങള്‍ നല്‍കാനും മന്ത്രി പറഞ്ഞു.
