ബഹിരാകാശത്തെ ആദ്യ സിനിമാസംഘം തിരിച്ചെത്തി

മോസ്കോ∙ രാജ്യാന്തര ബഹിരാകാശ നിലയത്തിൽ സിനിമാ ചിത്രീകരണത്തിനു പോയ റഷ്യൻ നടി യൂലിയ പെരെസിൽഡ്, സംവിധായകൻ ക്ലിം ഷിപെങ്കോ എന്നിവരും ഒലേഗ് നോവിറ്റ്സ്കി എന്ന ബഹിരാകാശ നിലയത്തിലെ യാത്രികനും ഇന്നലെ തിരിച്ചെത്തി.12 ദിവസത്തെ ബഹിരാകാശവാസത്തിനു ശേഷമാണു യൂലിയയും ക്ലിമ്മും എത്തിയത്. നോവിറ്റ്സ്കി 6 മാസമായി നിലയത്തിലാണ്. മൂന്നര മണിക്കൂർ യാത്രയ്ക്കുശേഷം കസഖ്സ്ഥാനിലിറങ്ങിയ ഇവരെ വൈദ്യപരിശോധനയ്ക്കായി മാറ്റി.