ഹെയ്റ്റിയിൽ മിഷനറി സംഘത്തെ തട്ടിക്കൊണ്ടുപോയി; ബന്ദികളായത് കുട്ടികളടക്കം 17 പേർ
വാഷിങ്ടൻ ∙ യുഎസിൽനിന്നുള്ള ക്രിസ്ത്യൻ മിഷനറിമാരും കുടുംബാംഗങ്ങളും ഉൾപ്പെടെ 17 പേരെ കരീബിയൻ രാജ്യമായ ഹെയ്റ്റിയിൽ അക്രമിസംഘം തട്ടിക്കൊണ്ടുപോയി. ഹെയ്റ്റിയിൽ ജീവകാരുണ്യ പ്രവർത്തനം നടത്തുന്ന ക്രിസ്ത്യൻ എയ്ഡ് മിനി‌സ്ട്രീസ് അംഗങ്ങൾ ശനിയാഴ്ച അനാഥമന്ദിരം സന്ദർശിച്ചു ബസിൽ വിമാനത്താവളത്തിലേക്കു മടങ്ങുമ്പോഴായിരുന്നു ഡ്രൈവറെ ഭീഷണിപ്പെടുത്തി വാഹനം വഴിതിരിച്ചുവിട്ടത്. ബന്ദികളാക്കപ്പെട്ടവരിൽ കുട്ടികളും ഉണ്ട്.
