മുക്കിലും മൂലയിലുമെല്ലാം പണം; വ്യാപാരിയുടെ വീട്ടിൽ നിന്ന് പിടിച്ചത് 150 കോടി!

കാൺപൂർ: പണമെണ്ണി കുഴഞ്ഞു പോയല്ലോ എന്ന അവസ്ഥയിലാണിപ്പോൾ യുപിയിലെ ആദായ നികുതി വകുപ്പ് ഉദ്യോഗസ്ഥർ. എന്തെന്നല്ലേ? അത്രയും കൂടുതൽ പണമാണ് പിയൂഷ് ജെയിൻ എന്ന വ്യാപാരിയിൽ നിന്ന് ഐടി ഉദ്യോഗസ്ഥർ പിടിച്ചെടുത്തത്. പത്തും ഇരുപതും കോടിയൊന്നുമല്ല, 150 കോടി രൂപ! പിയൂഷിന്റെ വീട്ടിലെ മുക്കിലും മൂലയിലുമെല്ലാം പണമായിരുന്നു. കാഷ് ഇതുവരെ എണ്ണിത്തീർന്നിട്ടില്ലെന്നാണ് എൻഡിടിവി റിപ്പോർട്ട് ചെയ്യുന്നത്. കാൺപൂർ, മുംബൈ, ഗുജറാത്ത് എന്നിവിടങ്ങളിൽ ഇദ്ദേഹത്തിന്റെ ഉടമസ്ഥതയിലുള്ള സ്ഥാപനങ്ങളിൽ നിന്നും പണം പിടിച്ചെടുത്തു. വീട്ടില്‍ നിന്ന് 90 കോടി പിടിച്ചെന്നും ബാക്കിയുള്ളവ സ്ഥാപനങ്ങളില്‍ നിന്നാണ് എന്നാണ് മറ്റു റിപ്പോര്‍ട്ടുകളില്‍ പറയുന്നത്.