വാക്സിൻ എടുത്ത യാത്രക്കാർക്ക് നിയന്ത്രണങ്ങളിൽ ഇളവ് വരുത്തി യുകെ

പൂർണ്ണമായി വാക്സിനേഷൻ ചെയ്ത അഞ്ചു വയസ്സിന് മുകളിൽ പ്രായമുള്ള യാത്രക്കാര്‍ക്ക് ആർടി പിസിആര്‍ പരിശോധനാ റിപ്പോര്‍ട്ട് നിബന്ധന ഒഴിവാക്കി യുകെ. പകരം ഇംഗ്ലണ്ടിൽ എത്തിക്കഴിഞ്ഞ്, 2 ദിവസത്തിനുള്ളിൽ ലാറ്ററൽ ഫ്ലോ ടെസ്റ്റ് നടത്തിയാല്‍ മതിയാകും. ജനുവരി 9 ഞായറാഴ്ച പുലർച്ചെ 4 മണി മുതലാണ് പുതിയ നിയമം പ്രാബല്യത്തിലായത്. യോഗ്യരായ യാത്രയ്‌ക്കായുള്ള ലാറ്ററൽ ഫ്ലോ പരിശോധനകൾ ജനുവരി 7 വെള്ളിയാഴ്ച മുതൽ ബുക്ക് ചെയ്യാനുള്ള സൗകര്യം ഒരുക്കിയിട്ടുണ്ട്. യാത്രക്കാര്‍ക്ക് രാജ്യത്ത് എത്തിച്ചേര്‍ന്ന് രണ്ടാം ദിവസത്തിനുള്ളിൽ പരിശോധന നടത്താം.