ശ്രീനഗറിലെ മാര്‍ക്കറ്റില്‍ ഗ്രനേഡ് ആക്രമണം; ഒരു മരണം; നിരവധി പേര്‍ക്ക് പരുക്ക്
Related Posts
ശ്രീനഗറിലെ മാര്‍ക്കറ്റിലുണ്ടായ ഗ്രനേഡ് ആക്രമണത്തില്‍ ഒരാള്‍ കൊല്ലപ്പെട്ടതായി റിപ്പോര്‍ട്ട്. ആക്രമണത്തില്‍ 34 പേര്‍ക്ക് പരുക്കേറ്റു. ശ്രീനഗര്‍ അമിറ ഹരിസിങ് ഹൈടെക് മാര്‍ക്കറ്റിലാണ് ഞായറാഴ്ച വൈകിട്ട് ഭീകരാക്രമണമുണ്ടായത്. ശ്രീനഗര്‍ നൗഹട്ടയിലെ അബ്ദുല്‍ സലാം എന്നയാളാണ് മരണപ്പെട്ടത്. പരുക്കേറ്റവരില്‍ ചിലരുടെ നില ഗുരുതരമാണ്. ഇവരെ ആശുപത്രികളില്‍ പ്രവേശിപ്പിച്ചു. അതേസമയം ആക്രമണത്തിന് പിന്നില്‍ ആരാണെന്ന് പൊലീസ് സ്ഥിരീകരിച്ചിട്ടില്ല. സംഭവത്തിന്റെ ഉത്തരവാദിത്തം ആരും ഏറ്റെടുത്തിട്ടില്ലെന്നും സിസിടിവി ദൃശ്യങ്ങള്‍ പരിശോധിച്ച് അന്വേഷണം നടത്തുമെന്നും കശ്മീര്‍ റേഞ്ച് ഐജി വിജയകുമാര്‍ മാധ്യമങ്ങളോട് പറഞ്ഞു.
