സൗദിയിൽ പുതിയ കൊവിഡ് കേസുകളും മരണവും ഉയർന്നു

റിയാദ്: സൗദി അറേബ്യയിൽ പ്രതിദിന കൊവിഡ് കേസുകൾ ഇരട്ടിയോളമായി. മരണസംഖ്യയും ഉയർന്നു. കഴിഞ്ഞ 24 മണിക്കൂറിനിടയിൽ 219 പേർക്കാണ് രോഗബാധ സ്ഥിരീകരിച്ചത്. നിലവിലെ രോഗബാധിതരിൽ 109 പേർ സുഖം പ്രാപിച്ചു. മൂന്ന് മരണം റിപ്പോർട്ട് ചെയ്തു. രാജ്യത്ത് ഇതുവരെ റിപ്പോർട്ട് ചെയ്ത ആകെ കേസുകളുടെ എണ്ണം 754,842 ആയി. ആകെ രോഗമുക്തരുടെ എണ്ണം 742,348 ആയി ഉയർന്നു. ആകെ മരണസംഖ്യ 9,099 ആയി തുടരുന്നു. രോഗബാധിതരിൽ 3,395 പേരാണ് ചികിത്സയിൽ കഴിയുന്നത്. ഇതിൽ 53 പേരുടെ നില ഗുരുതരം. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ നില തൃപ്തികരമാണ്. 24 മണിക്കൂറിനിടെ 13,504 ആർ.ടി-പി.സി.ആർ പരിശോധനകൾ നടത്തി.