ഏവർക്കുമായി തുറന്ന ഒരു സഭയാണ് മനോഹരമായത്: സിനഡ്

ഏവർക്കുമായി തുറന്നിട്ടിരിക്കുന്ന ഒരു സഭ, പാവപ്പെട്ടവരുടെ നിലവിളി കേൾക്കാനുള്ള വിളി, തുടങ്ങിയ വിഷയങ്ങൾ സംബന്ധിച്ച് സിനഡ് സമ്മേളനങ്ങളിൽ നടന്ന ചർച്ചകളെക്കുറിച്ചുള്ള വിവരണം നൽകി സിനഡിന്റെ പത്രസമ്മേളനം.

സിനഡൽസഭ എന്ന വിഷയത്തെക്കുറിച്ചുള്ള സിനഡിന്റെ പൊതുസമ്മേളനയോഗങ്ങൾ തുടരുമ്പോൾ, കഴിഞ്ഞ ദിവസങ്ങളിൽ നടന്ന ചർച്ചകളെക്കുറിച്ച്, ഒക്ടോബർ 10 ബുധനാഴ്ച സിനഡ് പത്രസമ്മേളനം നടത്തി. വത്തിക്കാൻ വാർത്താവിനിമയകാര്യങ്ങൾക്കായുള്ള ഡികാസ്റ്ററി അധ്യക്ഷനും സിനഡിന്റെ വാർത്താവിനിമയ കമ്മീഷൻ പ്രസിഡന്റുമായ ഡോ പൗളോ റുഫീനിയുടെ നേതൃത്വത്തിൽ നടന്ന സമ്മേളനത്തിൽ, സിനഡിന്റെ പ്രവർത്തനങ്ങൾ ക്രമീകരിക്കുന്ന രേഖകൾ പ്രകാരം നടന്ന ചെറിയ ഗ്രൂപ്പുകളുടെ സമ്മേളനങ്ങളിൽ വ്യത്യസ്‌തസംസ്കാരങ്ങൾ തമ്മിലുള്ള കണ്ടുമുട്ടലുകളിലൂടെ ഉണ്ടാകുന്ന ശ്രേഷ്ഠത, പാവപ്പെട്ടവരുടെ നിലവിളി കേൾക്കേണ്ടതിന്റെ പ്രാധാന്യം തുടങ്ങിയ വിഷയങ്ങൾ ചർച്ച ചെയ്തതായി വിശദീകരിച്ചു. ഒക്ടോബർ 9 ഉച്ചകഴിഞ്ഞും ഒക്ടോബർ 10 രാവിലെയും നടന്ന സമ്മേളനത്തിലെ ചർച്ചകളെ സംബന്ധിച്ച വിവരങ്ങൾ നൽകവെയാണ് ഡോ പൗളോ റുഫീനി ഇത് പറഞ്ഞത്.