ഇന്ത്യയിൽ ആപ്പിൾ ഐഫോണുകളുടെ നിർമാണം ആരംഭിക്കാൻ ടാറ്റ ഗ്രൂപ്പ്
ന്യൂഡൽഹി ∙ ആഭ്യന്തര, ആഗോള വിപണികൾക്കായി ടാറ്റ ഗ്രൂപ്പ് രണ്ടര വർഷത്തിനുള്ളിൽ ഇന്ത്യയിൽ ആപ്പിൾ ഐഫോണുകളുടെ നിർമാണം ആരംഭിക്കുമെന്ന് കേന്ദ്ര ഐടി ആൻഡ് ഇലക്ട്രോണിക്സ് സഹമന്ത്രി രാജീവ് ചന്ദ്രശേഖർ. ഔദ്യോഗിക എക്സ് അക്കൗണ്ടിലൂടെയാണ് മന്ത്രി ഇക്കാര്യം വ്യക്തമാക്കിയത്. ഇന്ത്യയുടെ വർധിച്ചുവരുന്ന ഉൽപാദന വൈദഗ്ധ്യത്തിന് അടിവരയിടുന്നതും കൂടുതലും ചൈനീസ് നിർമിത പുതിയ ഉപകരണങ്ങൾ വിൽക്കുന്ന ആപ്പിളിന്റെ നയത്തിൽനിന്നുള്ള വ്യതിചലനവുമായാണ് നീക്കത്തെ വിലയിരുത്തുന്നത്.
