ഇന്ത്യാ പെന്തകോസ്ത് ദൈവസഭ കൊട്ടാരക്കര മേഖലയുടെ 68-ാമത്‌ വാർഷിക കൺവൻഷൻ ജനുവരി 3 മുതൽ

കൊട്ടാരക്കര : ഇന്ത്യാ പെന്തകോസ്ത് ദൈവസഭ കൊട്ടാരക്കര മേഖലയുടെ 68-ാമത്‌ വാർഷിക കൺവൻഷൻ 2024 ജനുവരി 3 ബുധനാഴ്ച മുതൽ 7 ഞായറാഴ്ച വരെ കൊട്ടാരക്കര പുലമൺ ബേർശേബ ഗ്രൗണ്ടിൽ നടക്കും. കൺവൻഷന്റെ വിജയക്കരമായ നടത്തിപ്പിനായി 84 അംഗ കമ്മിറ്റി രൂപീകരിച്ച് ഒരുക്കങ്ങൾ ആരംഭിച്ചു.

സ്വദേശത്തും വിദേശത്തും ഉള്ള ആയിരക്കണക്കിന് വിശ്വാസികളും ശുശ്രൂഷകന്മാരും പങ്കെടുക്കും. ജനുവരി 3 ന് വൈകുന്നേരം 5 മണിക്ക് മേഖല പ്രസിഡന്റ് പാസ്റ്റർ ബെഞ്ചമിൻ വർഗ്ഗീസ് ഉത്ഘാടനം നിർവ്വഹിക്കുകയും പൊതു സമ്മേളനം, ബൈബിൾ ക്ലാസ് , ഉപവാസ പ്രാർത്ഥനകൾ ഉണർവ്വ് യോഗങ്ങൾ, ശുശ്രൂഷക കുടുംബ സമ്മേളനം, പുത്രിക സംഘടനകളുടെ വാർഷികം, സംയുക്ത ആരാധന, തിരുവത്താഴ ശുശ്രൂഷ എന്നിവ നടക്കും. സ്വദേശത്തും വിദേശത്തും ഉള്ള കർത്താവിൽ പ്രസിദ്ധരായ അഭിഷിക്തമാർ ദൈവവചനം പ്രസംഗിക്കും.