ഇസ്രായേൽ-ഹമാസ് പോരാട്ടം :ടെക്സസ് ഗവർണർ ഗ്രെഗ് ആബട്ട് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവിനെ സന്ദർശിച്ചു

ഓസ്റ്റിൻ : ഇസ്രായേൽ-ഹമാസ് പോരാട്ടം തുടരുന്നതിനിടെ ടെക്സസ് ഗവർണർ ഗ്രെഗ് ആബട്ട് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവിനെ സന്ദർശിച്ചു. “ടെക്സസിന്റെ പൂർണമായ പിന്തുണ വീണ്ടും ഉറപ്പിക്കുന്നതിനായി” ടെക്സസ് ഗവർണർ ഗ്രെഗ് ആബട്ട് വെള്ളിയാഴ്ച രാവിലെ ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവുമായി കൂടിക്കാഴ്ച നടത്തി. ‘മിഡിൽ ഈസ്റ്റിലെ അമേരിക്കയുടെ ഏറ്റവും ശക്തമായ സഖ്യകക്ഷി’ എന്നാണ് ആബട്ട് ഇസ്രായേലിനെ വിശേഷിപ്പിച്ചത്.

ഹമാസ് ഭീകരാക്രമണങ്ങളിൽ നിന്ന് സ്വയം പ്രതിരോധിക്കാനുള്ള ഇസ്രയേലിന്റെ അവകാശത്തിലുള്ള തന്റെ വിശ്വാസം ആബട്ട് തന്റെ സന്ദർശനത്തിൽ ആവർത്തിച്ചു.ഒക്‌ലഹോമ ഗവർണർ കെവിൻ സ്റ്റിറ്റും അദ്ദേഹത്തോടൊപ്പം ഉണ്ടായിരുന്നു