ദീപാവലി ആഘോഷം: സ്പെഷ്യല് ട്രെയിന്‍ സര്‍വീസുകളുടെ ടിക്കറ്റ് ബുക്കിങ് തുടങ്ങി
തിരുവനന്തപുരം : ദീപാവലി ആഘോഷങ്ങളെ തുടര്‍ന്ന് റെയില്‍വേ പുറത്തിറക്കിയ രണ്ട് സ്പെഷ്യല് ട്രെയിനുകളുടെ ടിക്കറ്റ് ബുക്കിങ് ആരംഭിച്ചു. നാഗര്‍ കോവില്‍ നിന്ന് മംഗളൂരു വരേയും, മംഗളൂരുവില്‍ നിന്ന് ചെന്നൈ വരെയുമാണ് സ്പെഷ്യല് ട്രെയിനുകളുടെ സര്‍വീസ്. നവംബര്‍ 11നാണ് ഈ ട്രെയിനിന്റെ ഈ പ്രത്യേക സര്‍വീസ് ഉള്ളത്.
Related Posts
ശനിയാഴ്ച നാഗര്‍കോവിലില്‍നിന്ന് മംഗളൂരു ജങ്ഷന്‍വരെയാണ് സ്പെഷ്യല് ട്രെയിനിന്റെ സര്‍വീസുകള്‍. നാഗര്‍കോവില്‍ ജങ്ഷനില്‍നിന്ന് ശനിയാഴ്ച ഉച്ചയ്‌ക്കു ശേഷം 2.45-ന് പുറപ്പെടുന്ന ട്രെയിന്‍ (നമ്പര്‍ 06062) ഞായറാഴ്ച രാവിലെ 5.15-ന് മംഗളൂരു ജംങ്ഷനില്‍ എത്തിച്ചേരും.
മംഗളൂരുവില്‍നിന്ന് ചെന്നെയിലെ താംബരം വരെയുള്ള രണ്ടാമത്തെ ട്രെയിനായ മംഗളൂരു ജങ്ഷനില്‍നിന്ന് ഞായറാഴ്ച രാവിലെ 10 മണിക്ക് പുറപ്പെടുന്ന ട്രെയിന്‍ (നമ്പര്‍ 06063) താംബരത്ത് തിങ്കളാഴ്ച രാവിലെ 5.10-ന് എത്തും. കോഴിക്കോട് ഉച്ചയ്‌ക്ക് 1.37-ന് എത്തുന്ന ട്രെയിന്‍ 1.40-ന് യാത്ര പുനഃരാരംഭിക്കും.
