ഗുജറാത്ത് സ്റ്റേറ്റ് പി.വൈ.പി.എ ക്യാമ്പ് സമാപിച്ചു
ഗുജറാത്ത് : ”നല്ല നിലത്തെ വിത്തുപോലെ നിങ്ങൾ മനസൊരുക്കം ഉള്ളവരാകുക ” എന്ന് പാസ്റ്റർ പി.ഏ. ജോർജ് (ഐ.പി.സി. ഗുജറാത്ത് സ്റ്റേറ്റ് പ്രസിഡന്റ്‌) പറഞ്ഞു. ഗുജറാത്ത് സ്റ്റേറ്റ് പി.വൈ.പി.എ. ത്രിദിന ക്യാമ്പ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
നവംബർ 13 മുതൽ 15 വരെ ജാംനഗർ അനുഗ്രഹ വിദ്യാലയ സ്കൂളിൽ നടന്ന ക്യാമ്പിൽ പാസ്റ്റർ ഷിബിൻ സാമൂവേൽ (പി.വൈ.പി.എ. കേരള സ്റ്റേറ്റ് പ്രസിഡന്റ്‌), റവ. സണ്ണി ജോസഫ് (OLD TESTAMENT HoD FILADELFIA BIBLE COLLEGE UDAIPUR) എന്നിവർ സന്ദേശങ്ങൾ നൽകി. പാസ്റ്റർ ആശിഷ് പി. ജോസ്, വഡോദര ആരാധനയ്ക്കു നേതൃത്വം നൽകി. സ്റ്റെഫിൻ രാജേഷിന്റെ (എക്സൽ മിനിസ്ട്രിസ്) നേതൃത്വത്തിൽ 12 വയസ്സിൽ താഴെ ഉള്ള കുഞ്ഞുങ്ങൾക്ക് പ്രോഗ്രാമുകൾ നടത്തി.
സ്റ്റേറ്റ് തലന്ത് പരിശോധനയും ഈ ക്യാമ്പിൽ നടന്നു. ഐ.പി.സി. ഗാന്ധിനഗർ ഓവർഓൾ ചാമ്പ്യന്മാരായി. പാസ്റ്റർ ജോൺസൺ മാർക് (ഐ.പി.സി. ഗുജറാത്ത് സ്റ്റേറ്റ് സെക്രട്ടറി) സമാപന സന്ദേശം നൽകി. പാസ്റ്റർ ജെയ്സൺ സാം വർഗീസിൻ്റെ (പി.വൈ.പി.എ. പ്രസിഡന്റ്‌) സമാപന പ്രാർത്ഥനയോടെ ക്യാമ്പിന് തിരശ്ശീല വീണു.
