മലിനീകരണം രൂക്ഷം; വീണ്ടും വാഹനങ്ങള്‍ക്ക് നിരോധനവുമായി ഡല്‍ഹി സര്‍ക്കാര്‍
രാജ്യതലസ്ഥാനത്ത് വായു മലിനീകരണം രൂക്ഷമായി തുടരുന്നു. ശൈത്യകാലം കൂടി എത്തിയതോടെ ഡൽഹിയിലെ ജനങ്ങളുടെ അവസ്ഥ ശോചനീയമാണ്. വായു മലിനീകരണതോത് 400 പോയിന്റിലേക്ക് ഉയർന്നതോടെ ഡൽഹി സർക്കാർ വാഹനങ്ങൾക്ക് നിയന്ത്രണം ഏർപ്പെടുത്തിയിരിക്കുകയാണ്.
Related Posts
ഡിസംബർ 22 മുതൽ ഡൽഹി എൻസിആർ മേഖലയിൽ ബി.എസ് 3 പെട്രോൾ വാഹനങ്ങളും ബി.എസ് 4 ഡീസൽ വാഹനങ്ങൾക്കും നിരോധനമുണ്ടെന്ന് ഗതാഗത വകുപ്പ് അറിയിച്ചു. ഇത് ലംഘിച്ച് എത്തുന്നവർക്ക് 20,000 രൂപ പിഴ നൽകേണ്ടി വരും. അടിയന്തര സർവീസ് നടത്തുന്ന വാഹനങ്ങൾക്ക് നിരോധനമില്ല.
വായു മലിനീകരണം രൂക്ഷമായതിനെ തുടർന്ന് ഈ വർഷം ഒക്ടോബറിൽ പെട്രോൾ–ഡീസൽ കാറുകൾക്ക് ഡൽഹിയിൽ നിരോധനം ഏർപ്പെടുത്തിയിരുന്നു. സ്ഥിതി മെച്ചപ്പെട്ടതോടെ നവംബറിൽ നിരോധനം പിൻവലിച്ചു. എന്നാൽ വീണ്ടും വായുമലിനീകരണ തോത് വർധിച്ചതോടെ നിയന്ത്രണം കടുപ്പിക്കാൻ ഡൽഹി സർക്കാർ തയാറാവുകയായിരുന്നു.
