സുവിശേഷ മഹായോഗവും സംഗീത വിരുന്നും : ഐ. പി. സി എലീം പൊങ്ങന്താനം സഭയുടെ ആഭിമുഖ്യത്തിൽ 2024 ഫെബ്രുവരി 16 മുതൽ

പൊങ്ങന്താനം : പി. വൈ. പി. എ കോട്ടയം സൗത്ത് സെന്ററിന്റെയും ഐ. പി. സി എലീം പൊങ്ങന്താനം സഭയുടെയും ആഭിമുഖ്യത്തിൽ 2024 ഫെബ്രുവരി 16,17,18 വെള്ളി ശനി, ഞായർ ദിവസങ്ങളിൽ പൊങ്ങന്താനം തൊമ്മിപ്പീടിക ജംഗ്ഷനിൽ വെച്ച് സുവിശേഷ മഹായോഗവും സംഗീത വിരുന്നും നടക്കും. കോട്ടയം സൗത്ത് സെന്റർ മിനിസ്റ്റർ പാസ്റ്റർ ജോയി ഫിലിപ്പ് ഉത്ഘാടനം ചെയ്യും. ദിവസവും വൈകുന്നേരം 6 മുതൽ നടക്കുന്ന യോഗങ്ങളിൽ കർത്താവിൽ പ്രസിദ്ധരായ പാസ്റ്റർ പ്രിൻസ് തോമസ് (റാന്നി) , പാസ്റ്റർ ബാബു ചെറിയാൻ (പിറവം) , പാസ്റ്റർ തോമസ് ഫിലിപ്പ് (വെൺമണി) എന്നിവർ ദൈവ വചനം സംസാരിക്കും. ക്രൈസ്തവ കൈരളിക്ക് സുപരിചിതരായ ബ്രദർ ഇമ്മാനുവേൽ കെ. ബി,ബ്രദർ ടിബിൻ തങ്കച്ചൻ, ബ്രദർ ഷാരോൺ വർഗീസ്, ബ്രദർ ജീസൺ ജോർജ് എന്നിവർ ചേർന്ന് സംഗീത ശുശ്രൂഷക്ക്‌ നേതൃത്വം നൽകും. ഇവരോടൊപ്പം ചേർന്ന് പി. വൈ. പി. എ ക്വയർ ഗാനങ്ങൾ ആലപിക്കും. പാസ്റ്റർ ജിബു മാത്യു, ബ്രദർ കെ. പി. ശ്രീകുമാർ, ബ്രദർ ഫെന്നി സാം ജോൺ, ബ്രദർ എൻ. കെ അച്ചൻകുഞ്ഞ് തുടങ്ങിയവർ നേതൃത്വം നൽകും.