ഐ.പി.സി ഹെബ്രോൺ പുലമൺ; വി.ബി.എസ് 2024 ഏപ്രിൽ ഒന്നു തിങ്കൾ മുതൽ 5 വെള്ളി വരെ
കൊട്ടാരക്കര : -ഐപിസി ഹെബ്രോൺ പുലമൺ സഭയുടെ ആഭിമുഖ്യത്തിൽ ( മണ്ണൂർ സെന്റർ ) നടത്തുന്ന 2024 വെക്കേഷൻ ബൈബിൾ ക്ലാസ് (VBS) 2024 ഏപ്രിൽ മാസം ഒന്നാം തീയതി തിങ്കളാഴ്ച മുതൽ അഞ്ചാം തീയതി വെള്ളിയാഴ്ച വരെ ഐപിസി ഹെബ്രോൺ സഭാങ്കണത്തിൽ വച്ച് നടത്തപ്പെടുന്നതാണ്. പ്രഥമ ദിവസം തിങ്കളാഴ്ച രാവിലെ 09 മണിക്ക് സഭാ വൈസ് പ്രസിഡന്റും സൺഡേ സ്കൂൾ ഹെഡ്മാസ്റ്ററുമായ പാസ്റ്റർ K.G. ജോൺ കുട്ടിയുടെ അധ്യക്ഷതയിൽ കൂടുന്ന യോഗത്തിൽ, സ്റ്റേറ്റ് പിവൈപിയെ പ്രസിഡന്റ് Evng. ഷിബിൻ ജി സാമൂവേൽ ഉദ്ഘാടനം നിർവഹിക്കുന്നതാണ് . 150ൽ പരം കൂട്ടുകാർ വിവിധ സ്ഥലങ്ങളിൽ നിന്നും അഞ്ചുദിവസം നടക്കുന്ന വൈവിധ്യമാർന്ന വിവിധ പ്രോഗ്രാമുകളിൽ പങ്കെടുക്കും എന്ന് സംഘാടകർ അറിയിക്കുന്നു.
ഇന്ത്യ പെന്തക്കോസ്ത് ദൈവസഭ ക്രമീകരിച്ചിരിക്കുന്ന പവർ വിബിഎസ് ആയിരിക്കും ഇപ്രാവശ്യത്തെ ആധി ഥേയർ. വിവിധതരം പ്രോഗ്രാമുകൾ, സർപ്രൈസ് ഗിഫ്റ്റുകൾ, എന്നിവ ഈ വർഷത്തെ ഹെബ്രോൺ VBS ആകർഷകമാക്കും. അഞ്ചാം തീയതി വെള്ളിയാഴ്ച നടക്കുന്ന സമാപന യോഗത്തിൽ ബൈബിൾ സ്കൂൾ അധ്യാപകനും, ഐപിസി അമ്പലപ്പുറം സഭാ ശുശ്രൂഷകനുമായ പാസ്റ്റർ കെ വി ജോൺ സമാപന സന്ദേശം നൽകുന്നതായിരിക്കും. വിദ്യാർത്ഥികൾക്ക് വളരെ അനുഗ്രഹപ്രദമായി നടത്തപ്പെടുന്ന VBS ൽ കുട്ടികളെ പങ്കെടുപ്പിക്കാൻ മാതാപിതാക്കൾ ഉത്സാഹിക്കണമെന്ന് സംഘാടകർ അറിയിക്കുന്നു.
