കൊപ്പേൽ സെന്റ് അൽഫോൻസാ ദേവാലയത്തിൽ ഭക്തി നിർഭരമായ ശൂശ്രൂഷകളോടെ ഓശാനയാചരിച്ചു

ഡാലസ്: വിശുദ്ധവാരത്തിന്റെ തുടക്കമായി കൊപ്പേൽ സെന്റ് അൽഫോൻസാ സീറോ മലബാർ ദേവാലയത്തിൽ ഭക്തിനിർഭരമായി ഓശാന ഞായർ ആചരിച്ചു.

ഓശാന ഞായറാഴ്ച്ച രാവിലെ ദേവാലയത്തിൽ നടന്ന ദിവ്യബലിക്കും കുരുത്തോല വെഞ്ചിരിപ്പിനും ഓശാന ശുശ്രൂഷകൾക്കും ഇടവക വികാരി ഫാ. മാത്യുസ് കുര്യൻ മുഞ്ഞനാട്ട്, ഫാ ജിമ്മി എടക്കളത്തൂർ എന്നിവർ നേതൃത്വം നൽകി. കുരുത്തോലകൾ കൈകളിലേന്തി വിശ്വാസികൾ ദേവാലയം ചുറ്റി ഭക്തിനിർഭരമായ കുരുത്തോല പ്രദക്ഷിണം നടത്തി.