സംഘർഷം അതിരൂക്ഷമായി തുടരുന്ന മണിപ്പൂരിൽ ഒരാൾ കൂടി കൊല്ലപ്പെട്ടു
ഇംഫാൽ: സംഘർഷം അതിരൂക്ഷമായി തുടരുന്ന മണിപ്പൂരിൽ ഒരാൾ കൂടി കൊല്ലപ്പെട്ടു. കഴിഞ്ഞ ദിവസം നടന്ന സംഘർഷത്തിലാണ് ഒരാൾ കൂടി കൊല്ലപ്പെട്ടത്. അക്രമത്തിൽ ഒരാൾക്ക് പരിക്കേൽക്കുകയും ചെയ്തു.രാവിലെ 11 മണിയോടെ ബാബുപരയിലാണ് ആക്രമണം ഉണ്ടായത്. അതേസമയം , വടക്കു-കിഴക്കൻ സംസ്ഥാനമായ മണിപ്പൂരിൽ ഇന്നും സംഘർഷം തുടരുകയാണ്.ബി.ജെ.പി, കോൺഗ്രസ് ഓഫീസുകൾ പ്രതിഷേധക്കാർ അഗ്നിക്കിരയാക്കിയതായും റിപ്പോർട്ടുണ്ട്. ജിരിബാം പൊലീസ് സ്റ്റേഷനിൽ നിന്നും 500 മീറ്റർ മാത്രം അകലെയാണ് സംഘർഷമുണ്ടായത്. കഴിഞ്ഞ കുറേ ദിവസങ്ങളായി ജിരിബാം ജില്ലയിൽ സംഘർഷം തുടരുകയാണ്.
Related Posts
കഴിഞ്ഞ ദിവസം മണിപ്പൂർ മുഖ്യമന്ത്രി എൻ. ബിരേൻ സിങ്ങിന്റെ വസതിയിലേക്ക് ഇരച്ചുകയറാനുള്ള പ്രക്ഷോഭകരുടെ ശ്രമം സുരക്ഷാ സേന പരാജയപ്പെടുത്തിയിരുന്നു. പ്രകോപിതരായ ജനക്കൂട്ടം ഇംഫാൽ താഴ്‌വരയിലെ വിവിധ ജില്ലകളിൽ മുതിർന്ന മന്ത്രിയുടെയും ഒരു കോൺഗ്രസ് എം.എൽ.എയുടെയും മൂന്ന് ബി.ജെ.പി എം.എൽ.എമാരുടെയും വീടുകൾക്കുകൂടി തീയിട്ടിരുന്നു.
