ചിക്കാഗോയിലെ പെന്തക്കോസ്തു സഭകളുടെ വാർഷിക കൺവെൻഷൻ ഓഗസ്റ്റ് 15 വെള്ളിയാഴ്ച്ച ആരംഭിക്കും

ചിക്കാഗോ:ചിക്കാഗോയിലെ വിവിധ പെന്തക്കോസ്ത് സഭകളുടെ സംയുക്ത പ്രവർത്തന വേദിയായ ഫെലോഷിപ്പ് ഓഫ് പെന്തക്കോസസ്തൽ ചർച്ചസ് ഇൻ ചിക്കാഗോയുടെ ആഭിമുഖ്യത്തിൽ വാർഷിക കൺവെൻഷനും സംയുക്ത സഭായോഗവും ഓഗസ്റ്റ് 15 വെള്ളിയാഴ്ച മുതൽ 17 ഞായർ വരെ നടക്കുമെന്ന് എഫ്പിസിസി കൺവീനർമാരായ ഡോക്ടർ വില്ലി എബ്രഹാം പാസ്റ്റർ തോമസ് യോഹന്നാൻ എന്നിവർ അറിയിച്ചു.

വെള്ളിയാഴ്ച വൈകിട്ട് ആറര മണിക്ക് എബെനെസർ പെന്തക്കോസ്ത് ചർച്ചിൽ വച്ച് ആദ്യത്തെ സമ്മേളനം നടക്കും. ശനിയാഴ്ച വൈകിട്ട് ആറരമണിക്കും ഞായറാഴ്ച രാവിലെ എട്ടേമുക്കാലിനും ചിക്കാഗോ ഐപിസി സഭാ ഹാളിലാണ് മീറ്റിംഗുകൾ നടക്കുന്നത്.

ഞായറാഴ്ച രാവിലെ നടക്കുന്ന സംയുക്ത സഭായോഗത്തിൽ തിരുവത്താഴ ശുശ്രൂഷയും ഉണ്ടായിരിക്കും. ഡോ ക്രിസ് ജാക്സൺ മുഖ്യാതിഥിയായിരിക്കും. ബ്ര ബിനോയ്‌ ചാക്കോയുടെ നേതൃത്വത്തിൽ എഫ് പി സി സി യുടെയും സിസിഎഫി ന്റെയും ഗായകസംഘം പ്രയ്‌സ ആൻഡ് വർഷിപ്പിന് നേതൃത്വം നൽകും. ചിക്കാഗോ, കാനോഷ, വിസ്കോൻസിൻ, ഇന്ത്യനാ ഭാഗങ്ങളിലുള്ള പെന്തക്കോസ്തു സഭകളിലെ വിശ്വാസികളും പാസ്റ്റർമാരും പങ്കെടുക്കും.