നിരവധി പേര്ക്ക് ജീവന് നഷ്ടമായ ഏറ്റുമുട്ടലിന് പിന്നാലെ 48 മണിക്കൂര് താല്കാലിക വെടിനിര്ത്തലിന് സമ്മതിച്ച് പാകിസ്ഥാനും അഫ്ഗാനിസ്ഥാനും
ഇസ്ലാമാബാദ്: നിരവധി പേര്ക്ക് ജീവന് നഷ്ടമായ ഏറ്റുമുട്ടലിന് പിന്നാലെ 48 മണിക്കൂര് താല്കാലിക വെടിനിര്ത്തലിന് സമ്മതിച്ച് പാകിസ്ഥാനും അഫ്ഗാനിസ്ഥാനും. ബുധനാഴ്ച വൈകുന്നേരം ഇരു രാജ്യങ്ങളുടെയും അതിര്ത്തിയില് നടന്ന ആക്രമണത്തില് അമ്പതോളം പേര്ക്ക് ജീവന് നഷ്ടമാകുകയും നിരവധി പേര്ക്ക് പരിക്കേല്ക്കുകയും ചെയ്തെന്ന് അന്തര്ദേശീയ മാധ്യമങ്ങള് റിപ്പോര്ട്ട് ചെയ്തിരുന്നു. ഇതിന് പിന്നാലെയാണ് ഇരു രാജ്യങ്ങളും വെടിനിര്ത്തലിന് സമ്മതിച്ചത്.
Related Posts
ഇന്ത്യന് സമയം വൈകുന്നേരം 6:30 നാണ് വെടിനിര്ത്തല് പ്രാബല്യത്തില് വന്നത്. സങ്കീര്ണമായ പ്രശ്നത്തിന് ക്രിയാത്മകമായ പരിഹാരം കണ്ടെത്താന് ഇരുപക്ഷവും ചര്ച്ചയിലൂടെ ആത്മാര്ഥമായ ശ്രമങ്ങള് നടത്തുമെന്ന് പാകിസ്ഥാന് വൃത്തങ്ങളെ ഉദ്ധരിച്ച് റോയിറ്റേഴ്സ് റിപ്പോര്ട്ട് ചെയ്തിരുന്നു.
