‘വയനാട് പുനരധിവാസം; സംഭാവന നല്കിയവരോട് നന്ദി പറയണം’: സന്ദേശമയക്കാന് അനുമതി തേടി സര്ക്കാര് ഹൈക്കോടതിയില്
കൊച്ചി: വയനാട് മുണ്ടക്കൈ-ചൂരല്മല പുനരധിവാസത്തിനായി മുഖ്യമന്ത്രിയുടെ ദുരിതാശ്വാസ നിധിയിലേക്ക് അടക്കം പണം നല്കിയവര്ക്ക് നന്ദി അറിയിച്ച് സന്ദേശമയക്കാന് ഹൈക്കോടതിയുടെ അനുമതി തേടി സംസ്ഥാന സര്ക്കാര്.
സര്ക്കാര് സന്ദേശം അയക്കുന്നത് ഹൈക്കോടതി തടഞ്ഞിരിക്കുകയാണ്. സര്ക്കാര് ജീവനക്കാര്ക്ക് മുഖ്യമന്ത്രിയുടെ ഓഫീസില് നിന്ന് നേരത്തെ സന്ദേശം പോയ സമാനമായ രീതിയില് വാട്സാപ്പ് സന്ദേശങ്ങള് അയക്കരുതെന്ന് കോടതിയുടെ ഉത്തരവ് നിലനില്ക്കുന്ന പശ്ചാത്തലത്തിലാണ് വീണ്ടും സന്ദേശമയക്കാനുള്ള അനുമതി തേടി ഹൈക്കോടതിയെ സമീപിച്ചിരിക്കുന്നത്.
മുണ്ടക്കൈ-ചൂരല്മല ദുരിത ബാധിതര്ക്ക് വീട് വച്ച് നല്കിയ സാഹചര്യത്തില് മുഖ്യമന്ത്രിയുടെ ദുരിതാശ്വാസ നിധിയിലേക്ക് പണം നല്കിയവര്ക്ക് നന്ദി അറിയിച്ച് മുഖ്യമന്ത്രിയുടെ പേരില് സന്ദേശമയക്കാന് അനുമതി വേണമെന്ന് അഡ്വക്കേറ്റ് ജനറലാണ് നേരിട്ട് കോടതിയെ അറിയിച്ചിരിക്കുന്നത്
