ജർമനിയിൽ വെടിവെപ്പ്: 6 പേർ കൊല്ലപ്പെട്ടു, നിരവധിപേർക്ക് പരിക്ക്

ബെർലിൻ: വടക്കൻ ജർമനിയിലെ സ്റ്റേഡ് നഗരത്തിലുണ്ടായ വെടിവെപ്പിൽ ആറ് പേർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തു. സംഭവത്തിൽ രണ്ടുപേർ അറസ്റ്റിലായി. നഗരത്തിലെ യുവജന കേന്ദ്രത്തിന് സമീപമാണ് വെടിവെപ്പുണ്ടായത്. ഹാംബർഗിന് പടിഞ്ഞാറ് ഭാഗത്തുള്ള സ്റ്റേഡ് ഏകദേശം 50,000 ജനസംഖ്യയുള്ള ഒരു നഗരമാണ്.

അറസ്റ്റ് ചെയ്തവരിൽ പ്രധാന പ്രതിയും ഉൾപ്പെടുന്നതായി പോലീസ് അറിയിച്ചു. പ്രദേശത്ത് നിലവിൽ അപകട സാഹചര്യമില്ലെന്നും പൊതുജനങ്ങൾക്ക് നിലവിൽ ഭീഷണിയില്ലെന്നും പോലീസ് പറഞ്ഞു. എന്നാൽ ആളുകളോട് ആ പ്രദേശത്ത് മാറിനിൽക്കാനും പോലീസ് ആവശ്യപ്പെട്ടിട്ടുണ്ട്.