മതപരിവർത്തനം നടത്തിയെന്ന ആരോപണത്തിൽ മധ്യപ്രദേശിൽ ഏഴ് ക്രൈസ്തവർക്ക് തടവുശിക്ഷ

മധ്യപ്രദേശിൽ മതപരിവർത്തനം നടത്തിയെന്ന കുറ്റം ചുമത്തപ്പെട്ട ഏഴ് ക്രൈസ്തവർക്ക് കോടതി തടവുശിക്ഷ വിധിച്ചതായി International Christian Concern റിപ്പോർട്ട് ചെയ്തു. ഒരു കുട്ടിയുടെ ജന്മദിനാഘോഷവുമായി ബന്ധപ്പെട്ട സംഭവത്തിലാണ് ഇവർക്കെതിരെ നിർബന്ധിത മതപരിവർത്തന ആരോപണം ഉയർന്നത്. ഇന്ത്യയിലെ വിവിധ സംസ്ഥാനങ്ങളിൽ നിലവിലുള്ള മതപരിവർത്തനവിരുദ്ധ നിയമങ്ങളുടെ പ്രയോഗം ക്രൈസ്തവ സമൂഹത്തിൽ വലിയ ആശങ്ക ഉയർത്തുന്ന സാഹചര്യത്തിലാണ് പുതിയ വിധി.

സുവിശേഷപ്രഘോഷണം, പ്രാർത്ഥനാസംഗമങ്ങൾ, വീടുകളിലെ കൂട്ടായ്മകൾ തുടങ്ങിയ സാധാരണ ക്രൈസ്തവ പ്രവർത്തനങ്ങൾ പോലും ചില സ്ഥലങ്ങളിൽ മതപരിവർത്തന ആരോപണങ്ങളിലേക്ക് നയിക്കുന്നുവെന്ന് ക്രൈസ്തവ സംഘടനകൾ നേരത്തെ ആശങ്ക പ്രകടിപ്പിച്ചിട്ടുണ്ട്. കേസിന്റെ തുടർ നിയമനടപടികൾ ക്രൈസ്തവ സമൂഹം ശ്രദ്ധയോടെ നിരീക്ഷിക്കുകയാണ്