പാക്ക് ഭീകരരുടെ ‘ഇന്ത്യ തലവൻ’ ഡൽഹിയിൽ അറസ്റ്റിൽ
ന്യൂഡൽഹി ∙ നഗരത്തിൽ സ്ഫോടനം നടത്താൻ ലക്ഷ്യമിട്ടിരുന്ന പാക്ക് സ്വദേശിയെ പിടികൂടിയതായി ഡൽഹി പൊലീസ് വെളിപ്പെടുത്തി. പാക്കിസ്ഥാനിലെ നരോവാലിൽനിന്നുള്ള മുഹമ്മദ് അഷ്റഫ് (അലി–40) ആണ് അറസ്റ്റിലായതെന്നു പൊലീസ് സ്പെഷൽ സെൽ ഡിസിപി പ്രമോദ് കുമാർ ഖുഷ്‍വാഹ പറഞ്ഞു. വ്യാജ രേഖകൾ ഉപയോഗിച്ച് ഇന്ത്യൻ തിരിച്ചറിയൽ കാർഡുണ്ടാക്കി 10 വർഷത്തിലേറെയായി രാജ്യത്തു കഴിയുകയായിരുന്ന അഷ്റഫിനു പാക്ക് ചാരസംഘടന ഐഎസ്ഐയുമായി ബന്ധമുണ്ടെന്നും പൊലീസ് പറഞ്ഞു.
