തിരിച്ചടിച്ച് സേന: 5 ഭീകരരെ വധിച്ചു; 2 പേർ ലഷ്കർ ഭീകരർ

ന്യൂഡൽഹി ∙ ജമ്മു കശ്മീരിലെ പൂഞ്ചിൽ നിയന്ത്രണരേഖയിൽ ഭീകരരുമായുള്ള ഏറ്റുമുട്ടലിൽ മലയാളിയടക്കം 5 സൈനികർ വീരമൃത്യു വരിച്ചതിനു പിന്നാലെ കശ്മീർ താഴ്‍വരയിലുടനീളം സേന ഭീകരവിരുദ്ധ നടപടി ശക്തമാക്കി. ദക്ഷിണ കശ്മീരിലെ ഷോപിയാനിൽ രണ്ടിടത്തായി 5 ഭീകരരെ വധിച്ചു.

ഷോപിയാനിലെ ഫീറിപോരയിൽ രണ്ടും ഇമാംസാഹിബിൽ മൂന്നും ഭീകരരെയാണു വധിച്ചത്. ഇമാംസാഹിബിൽ വധിക്കപ്പെട്ടവർ ലഷ്കറിന്റെ ഭാഗമായ റെസിസ്റ്റൻസ് ഫോഴ്സിലെ ഭീകരരാണ്. ഇതിലുൾപ്പെട്ട ഗന്ധർബാൽ സ്വദേശി മുഖ്താർ ഷായാണ് അടുത്തിടെ ശ്രീനഗറിൽ ബിഹാറിൽനിന്നുള്ള വിരേന്ദ്ര പാസ്വാൻ എന്ന വഴിയോരക്കച്ചവടക്കാരനെ വെടിവച്ചു കൊന്നത്.