റിക്ഷക്കാരന് മൂന്നുകോടിയുടെ നോട്ടീസ് അയച്ച് ഐ ടി വകുപ്പ്
മഥുര: യുപിയിലെ റിക്ഷക്കാരന് മൂന്നുകോടിയുടെ നോട്ടീസ് അയച്ച് ആദായ നികുതി വകുപ്പ്.കഴിഞ്ഞ ദിവസം ഇയാൾ പൊലീസിനെ സമീപിച്ചതോടെയാണ് സംഭവം പുറത്തറിയുന്നത്. തന്റെ പേരിൽ ആരോ തട്ടിപ്പ് നടത്തുന്നുണ്ടെന്നായിരുന്നു റിക്ഷക്കാരൻ പരാതിപ്പെട്ടത് .
മഥുര ബകൽപുർ പ്രദേശത്തെ അമർ കോളനിയിൽ താമസിക്കുന്ന പ്രതാപ് സിങ്ങിനാണ് ഐ ടി വകുപ്പ് മൂന്നുകോടി രൂപയുടെ നോട്ടീസ് അയച്ചത്. നോട്ടീസ് ലഭിച്ചതോടെ പരാതിയുമായി ഇയാൾ ഹൈവേ പോലീസ് സ്റ്റേഷനിലെത്തുകയായിരുന്നു.
Related Posts
സിങ്ങിന്റെ പരാതിയിൽ കേസ് രജിസ്റ്റർ ചെയ്തിട്ടില്ലെന്നും എന്നാൽ സംഭവം അന്വേഷിക്കുമെന്നും സ്റ്റേഷൻ ഹൗസ് ഓഫിസ് അനുജ് കുമാർ വ്യക്തമാക്കി . പിന്നീട് സിങ് സംഭവം വിവരിക്കുന്ന ഒരു വിഡിയോ സോഷ്യൽ മീഡിയയിൽ പങ്കുവെക്കുകയും ചെയ്തു.
