പീഡിത ക്രൈസ്തവരുടെ കണ്ണീരൊപ്പി എയിഡ് ടു ദി ചര്‍ച്ച് ഇന്‍ നീഡ്: 90 ലക്ഷം പൗണ്ടിന്റെ സഹായം
Related Posts
ലണ്ടന്‍: പീഡിത ക്രൈസ്തവരുടെ കണ്ണീരൊപ്പി ക്രൈസ്തവ സന്നദ്ധ സംഘടനയായ എയിഡ് ടു ദി ചർച്ച് ഇൻ നീഡിന്റെ യുകെ ഘടകം സഹായം നൽകിയത് 330 പദ്ധതികൾക്ക്. ഏറ്റവും കൂടുതൽ സാമ്പത്തിക സഹായം നൽകിയ വർഷങ്ങളുടെ പട്ടികയിൽ 2021 ഇടംപിടിച്ചു. കൊറോണ വൈറസ് വ്യാപനത്തിന് ഇടയിലും 76 രാജ്യങ്ങളിലായി 330 പദ്ധതികളാണ് സംഘടന നടപ്പിലാക്കിയത്. ലെബനോനിലെ സിറിയൻ ക്രൈസ്തവ അഭയാർത്ഥി കുടുംബങ്ങൾക്ക് നൽകിയ മെഡിക്കൽ സഹായം, സുഡാനിലെ നുബാ മലനിരകളിൽ സേവനം ചെയ്യുന്ന വൈദികർക്കും, സന്യസ്തർക്കും നൽകിയ സഹായം, ഡൽഹിയിലെ ചേരികളിൽ ജീവിക്കുന്നവർക്ക് നൽകിയ കോവിഡ് പ്രതിരോധ സഹായങ്ങൾ തുടങ്ങിയവ 2021ലെ സന്നദ്ധ പദ്ധതികളിൽ ഉൾപ്പെടുന്നു.
