‘പൊതുഭവന സംരക്ഷണം’,വത്തിക്കാനിൽ വട്ടമേശസമ്മേളനം

“നമ്മുടെ പൊതു ഭവന സംരക്ഷണം: സുസ്ഥിരതയും സമാധാനവും പ്രോത്സാഹിപ്പിക്കുന്ന ഒരു സമ്പദ്‌വ്യവസ്ഥയുടെ നിർമ്മാണവും ആശയവിനിമയവും” എന്ന തലക്കെട്ടിൽ സുസ്ഥിരമായ  ലോകഭാവിയെ പറ്റി ചർച്ചചെയ്യുവാൻ വത്തിക്കാൻ മാധ്യമ ഡിക്കസ്റ്ററിയും,പൊന്തിഫിക്കൽ ശാസ്ത്ര അക്കാദമിയും സംയുക്തമായി വട്ടമേശസമ്മേളനം നടത്തി. റോമിലെ കാസിനോ പിയോയിൽ വച്ചാണ് സമ്മേളനം നടന്നത്.

മത,സാമ്പത്തിക,മാധ്യമ, രാഷ്ട്രീയ, സാമൂഹിക മേഖലകളിലെ വിവിധ  നേതാക്കൾസമ്മേളനത്തിൽ സന്നിഹിതരായിരുന്നു.പരിസ്ഥിതിയെ പരിപാലിക്കുകയും, സമാധാനം പ്രോത്സാഹിപ്പിക്കുകയും, പൊതുനന്മയെ മുന്നോട്ട് കൊണ്ടുപോകുകയും ചെയ്യുന്ന ഒരു സമ്പദ്‌വ്യവസ്ഥ കെട്ടിപ്പടുക്കുന്നതിനുള്ള പ്രതിബദ്ധത സമ്മേളനം ആഹ്വാനം ചെയ്തു.