റിപ്പബ്ലിക് ദിനാഘോഷം: രാഷ്ട്രപതി ഇന്ന് രാജ്യത്തെ അഭിസംബോധന ചെയ്യും
ന്യൂഡല്ഹി: രാജ്യം 75ാമത് റിപ്പബ്ലിക് ദിനാഘോഷങ്ങള്ക്കൊരുങ്ങുന്ന സമയത്ത് രാഷ്ട്രപതി ദ്രൗപദി മുര്മ്മു ഇന്ന് രാജ്യത്തെ അഭിസംബോധന ചെയ്യും. വൈകിട്ട് ഏഴ് മണിയോടെയാണ് രാഷ്ട്രപതി രാജ്യത്തെ ജനങ്ങളെ അഭിസംബോധന ചെയ്ത് സംസാരിക്കുക.
രാജ്യം ഇതുവരെ കൈവരിച്ച നേട്ടങ്ങളും വെല്ലുവിളികളുമെല്ലാം രാഷ്ട്രപതിയുടെ പ്രസംഗത്തില് ഉല്ക്കൊള്ളിക്കും. റിപ്പബ്ലിക് ദിനത്തോടനുബന്ധിച്ച് പത്മ അവാര്ഡുകളും വിശിഷ്ടസേവനങ്ങള്ക്കുള്ള സേന, പൊലീസ് മെഡലുകളും ഇന്ന് പ്രഖ്യാപിക്കും. കൂടാതെ സേനാ വിഭാഗങ്ങള്ക്കുള്ള രാഷ്ട്രപതിയുടെ മെഡലുകളുടെ പട്ടികയും ഇന്ന് പുറത്തിറക്കും.
റിപ്പബ്ലിക് ദിനത്തോട് അനുബന്ധിച്ചുള്ള പരിപാടികളുടെ അവസാനഘട്ട ഒരുക്കങ്ങള് ഡല്ഹിയില് പുരോഗമിക്കുകയാണ്.