യുപിയിലെ ആശുപത്രി വാർഡിനുള്ളിൽ കാള; ഭയന്ന് രോഗികൾ

ഉത്തരേന്ത്യയിലെ സ്ഥിരം കാഴ്ചയാണ് തെരുവോരങ്ങളിൽ അലഞ്ഞ് തിരിഞ്ഞ് നടക്കുന്ന കന്നുകാലികൾ. ഇപ്പോഴിതാ ലഖ്നൗവിലെ റായ്ബറേലിയിലെ ജില്ലാ ആശുപത്രിയിൽ നിന്നുള്ള കാളയുടെ ചിത്രമാണ് വാർത്തകളിൽ ഇടംനേടുന്നത്. ആശുപത്രിയിലെ വാർഡിൽ കുറേ രോഗികളുടെ ഇടയിലേക്ക് കയറിപ്പോകുന്ന കാളയുടെ ചിത്രമാണ് വൈറലാകുന്നത്.

ഉത്തരവാദിത്തമില്ലാത്ത ആശുപത്രി ജീവനക്കാരാണ് ഇവിടെ എന്ന് തെളിയിക്കുന്നതാണ് ഈ സംഭവം. ആശുപത്രി പോലൊരു സ്ഥാപനത്തിൽ കാള കയറിയിട്ടും അധികൃതർ നടപടിയും ഇതിനെതിരെ എടുക്കുന്നില്ല. ചിത്രം വൈറലായതോടെ അലഞ്ഞുതിരിഞ്ഞ് നടക്കുന്ന മൃ​ഗങ്ങളുടെ കാര്യത്തിൽ അധികൃതർ പരിഹാരം കാണണമെന്ന ആവശ്യങ്ങളും ഉയർന്നിട്ടുണ്ട്.