സ്വകാര്യ മേഖലയില് തൊഴിലാളികളെ നിയമിക്കുന്നതിനുള്ള നടപടി ക്രമങ്ങളില് ഇളവുമായി കുവൈറ്റ്
കുവൈറ്റ് സിറ്റി: സ്വകാര്യ മേഖലയില് തൊഴിലാളികളെ നിയമിക്കുന്നതിനുള്ള നടപടി ക്രമങ്ങളില് ഇളവുമായി കുവൈറ്റ്. വിവിധ തൊഴില് മേഖലകളില് നിയമനം നടത്താനായി ഏര്പ്പെടുത്തിയ സാമ്പത്തിക ഗ്യാരന്റികള് സര്ക്കാര് ഒഴിവാക്കി. ഇത് സംബന്ധിച്ച ഉത്തരവ് പബ്ലിക് അതോറിറ്റി ഫോര് മാന്പവര് പുറത്തിറക്കി.
സര്ക്കാരിന്റെ നീക്കം തൊഴിലുടമകള്ക്ക് നേട്ടമാകും. ക്ലീനിങ്, സെക്യൂരിറ്റി, ഹാന്ഡിലിങ് തുടങ്ങിയ സേവന വിഭാഗങ്ങളില് നിയമനം നടത്താന് മുന്പ് സാമ്പത്തിക ഗ്യാരന്റികള് നല്കണമെന്നായിരുന്നു നിയമം. ഇത് പലപ്പോഴും തൊഴില് ഉടമയ്ക്ക് സാമ്പത്തിക ബുദ്ധിമുട്ട് സൃഷ്ടിച്ചിരുന്നു. ഇത് പരിഗണിച്ചാണ് സാമ്പത്തിക ഗ്യാരന്റികള് ഒഴിവാക്കാന് സര്ക്കാര് തീരുമാനിച്ചത് എന്നാണ് റിപ്പോര്ട്ട്. വര്ക്ക് പെര്മിറ്റുകള് അനുവദിച്ച ശേഷവും ജോലിക്ക് ഹാജരാകാത്ത ജീവനക്കാര്ക്ക് സാമ്പത്തിക ഗ്യാരന്റികളും റദ്ദാക്കിയിട്ടുണ്ട്
